waktu itu ada urang di BBM yang meandak foto binian bungas banar lawan di ulahnya status "Lagi cari pacar Minat ping!!!" ujarnya... habis tuh ku ping!!! ai.. ku takuni sekolah, kelas, urang mana... habis tuh ku mintai pin nya.. lalu ku invite.. pas ku invite, aku ulah broadcast kaya ini "Tulis nama sekolah dan kelas masing-masing.. pengen ngerapiin kontak" padahal broadcast nya tuh ku kirim ke inya aja sorangan (sakira ada bahan pandiran toh). lalu di balasi nya "smk * . kelas *" jar.. lalu ku ulah-ulah bahan pandiran lagi, ku blasi kaya ini "smk * tuh dimana? kada ingat aku" jar ku.. trus dibalasnya "ikam tuh bukannya kada ingat, tapi emang gak tau haha". nah dari segi pandiran nya tuh ketahuan kada sombong.. urangnya bungas,sugih, bebehel pulang hahahahaa.... chatan nya tuh betarusan sampai inya taguring.. aku gayai, ku anu anui. ahaha .
lalu isuk nya ku chat lagi begayaan pulang, kaya patuh ngitu toh haha... inya nih pina membari harapan banar lawan unda makanya unda nya pina semangat banar memarakinya..
sakalinya apa nah? inya balikan lawan pacarnya. padahal bungas kada. muha kada bengkeng lawan biniannya tapi menang di motor aja. di situ unda menggalau banar.. maras lalu nda nih heh.. maka di pajang nya pulang poto inya bedua di fotobox.. tambuk lalu dalam hati nda nih tapi kada kawa ai..
pas isuk-isuk nya kawan nda membawai bukber,, inya membawa kawan bebinian. pertama tuh inya bekawan pina supan-supan tuh. maklum ai hanyar kenal ya kalo? . lawas kelawasan be patuh lawan inya... habis tuh waktu handak bukber kawan nda Riandi menyambat "tuh inya jomblo, paraki gin". lalu unda jawab ai "Kena ja gin" jar unda... sekalinya bujuran ada hati lawan inya.. aku minta tolong ai lawan kekawanan meurus akan.. pas handak bulikan unda pinjam BB nya ku invite pin ku di BBM nya.. pas handak bulikan tuh masih kelaparan, napang nang dimakan baya donat wara lalu ai ke cendana makanan pulang... nah disana mulai patuh-patuh lawan inya tuh..
pas habis cendana tuh kami ke bascamp SSOA (rumah taufik) santai habis makan..
di situ mulai ada rasa ... pas inya bulik jam 10 an tuh aku ke warnet langsung.. ku cari FB nya.. dapat.. di konfirmasi nya.. bis tuh ku tulis di dinding nya "ciapa dicana? haha (supaya loco jua toh)" di balasi nya.. lalu be wallan tarus sampai wahini nah hahahaaa,,,
senang banar sudah aku waktu tuh, karna aku merasa inya tuh ada hati jua lawan aku.. aku nih merasa pasti sudah lawan inya nih tapi jar kawan ku "santai, slow aja kena ngalih dikira nya pelampiasan aja". tapi inya nih pina memancing-mancing banar .. sampai wahini ai nah hahahahaa...
sekian dulu lah. kena ada ja sambungan nya lagi hahahahaaa
No comments:
Post a Comment